ڈی جی آئی ایس پی آر نے ہمارے موقف کی تائید کر دی، مراسلے میں مداخلت کا ذکر ہے، شاہ محمود قریشی

پی ٹی آئی کے وائس چیئرمین شاہ محمود قریشی نے بیان میں کہا ہےکہ ڈی جی آئی ایس پی آر کی پریس کانفرنس بیلنس تھی انہوں نے چیزیں بہت واضح کردی ہیں واضح کر دیا گیا روس دورے کا فیصلہ تنہا نہیں کیا تھا۔
شاہ محمود قریشی نے کہا کہ ڈی جی آئی ایس پی آر نے ہمارے مؤقف کی تائید کر دی ہے ہمارا مؤقف تھا مراسلے میں سیاسی مداخلت کا ذکر ہے آج کی پریس کانفرنس سے ہمارے مؤقف کو تقویت ملتی ہے۔
انہوں نے کہا کہ ہمارا مطالبہ ہےچیف جسٹس جوڈیشل کمیشن ترتیب دیں مناسب ٹی او آرز کیساتھ چھان بین کریں اسے اہمیت دی جائے مناسب حل یہ ہے سپریم کورٹ جوڈیشل کمیشن تشکیل دے کمیشن کے سامنے مراسلہ اور قومی سیکیورٹی کمیٹی کے منٹس رکھیں۔
وائس چیئرمین کا کہنا تھا کہ یہ خفیہ دستاویز ہے پبلک اس طرح نہیں کرنا چاہیے دستاویز میں سیکیورٹی کوڈ ہے اس سے پاکستان کا خفیہ سسٹم سامنے آسکتاہے مراسلے کا اخباروں میں شائع ہونا مناسب نہیں۔