Raza Musani 
تل ابیب: صیہونی حکومت کے متنازع عدالتی اصلاحات کیخلاف عوام کے احتجاج کا سلسلہ تھم نہ سکا۔ اسرائیل میں مسلسل 18ویں ہفتے بھی ہزاروں افراد سڑکوں پر نکل آئے۔ دارلحکومت تل ابیب۔ حیفہ۔کفرصبا اور نتانیا سمیت مختلف شہروں میں بڑی بڑی ریلیاں نکالی گئیں۔ عوام نے الٹرا آرتھوڈوکس یہودیوں کو فوجی خدمات اور ملکی سیاست سے استثناء دینے کیخلاف یوم قومی مساوات منایا۔ امریکہ میں نشر ہونے والی ایک ٹیلی ویژن سیریز سے متاثر ہو کرسینکڑوں خواتین مظاہرین نے عدالتی منصوبے کے خلاف احتجاج کرنے کے لیے سرخ لباس اور سفید بونٹ پہن رکھے تھے اور تل ابیب میں ربینیکل کورٹ کے سامنے اپنی علامتی کوریوگرافی کا مظاہرہ کیا۔ پولیس نے ایالون ہائی وے بلاک کرنے کی کوشش پر پانچ افراد کو گرفتار کرلیا۔ ارکان اسمبلی اور وزرا کے گھروں کے سامنے مظاہرے کئے گئے۔
