Raza Musani 
بیجنگ: چین نے روس اور یوکرین کےدرمیان معاہدےکی کوشش بھی شروع کردی۔ چینی صدر آئندہ ہفتے ماسکو کا دورہ کریں گے۔ چینی صدر ژی جن پنگ روسی صدر پیوٹن کی دعوت پر 20 سے 22 مارچ تک ماسکو میں ہوں گے۔ جہاں وہ روسی صدر سے بات چیت کریں گے۔ دونوں صدور جامع شراکت داری اور تزویراتی تعاون پر تبادلہ خیال کریں گے۔ بیجنگ کی وزارت خارجہ نے دورے کی تصدیق کی اور کہا کہ چین یوکرین کی جنگ کے بارے میں معروضی اور منصفانہ موقف کو برقرار رکھے گا اور امن کے لیے مذاکرات کو فروغ دینے میں تعمیری کردار ادا کرے گا۔ یہ دورہ ایسے وقت میں ہوا ہے جب روس کے اتحادی بیجنگ نے یوکرین میں جنگ کے خاتمے کیلئے تجاویز پیش کی ہیں جس کا مغرب نے گرمجوشی سے خیرمقدم کیا ہے۔چین کی امن تجاویز میں امن مذاکرات اور قومی خودمختاری کے احترام پر زور دیا گیا ہے۔ لیکن 12 نکاتی دستاویز میں خاص طور پر یہ نہیں کہا گیا کہ روس کو یوکرین سے اپنی فوجیں واپس بلانی چاہئیں۔
