Raza Musani 
خرطوم: سوڈان میں جنگ بندی ناکام ہونے کے بعد دارالحکومت خرطوم میں لڑائی میں شدت آگئی۔ سوڈانی فوج اور ریپڈ سپورٹ فورسز میں شدید جھڑپیں جاری ہیں۔ فوجی ہیڈکوارٹر کے ارد گرد مسلسل بمباری کی آوازیں سنی جارہی ہیں۔فوجی ارکان نے جنرل کمان کی عمارت کا کنٹرول سنبھال لیا ہے۔ خرطوم کے بین الاقوامی ہوائی اڈے پر بمباری کے بعد دھوئیں کے بادل چھاگئے اور ٹرمینلز میں بھی آگ لگ گئی۔ مغربی خرطوم کے جبرا محلے میں بھی فائرنگ کا تبادلہ جاری ہے۔ خرطوم اور پڑوسی ریاستوں میں تمام اسپتال زخمیوں سے بھر گئے ہیں۔ پندرہ اپریل کو فوجی تصادم کے بعد سے ہلاکتوں کی تعداد تین سو سے زیادہ ہو چکی ہے 2,600 سے زیادہ زخمی ہوئے ہیں۔ ادھر سینکڑوں فوجی سرحد پار کرکے چاڈ میں داخل ہوگئے۔اور چاڈ کی فوج کے سامنے ہتھیار ڈال دئے جبکہ جنگ بندی کی نئی کوشش ناکام ہونے پر ہزاروں شہری بھی نقل مکانی کررہے ہیں۔
