یاسین ملک کی جھوٹے کیس میں سزا کیخلاف یورپ بھر میں احتجاج کی کال

برسلز : بھارتی حکومت کی جانب سے معروف کشمیری حریت رہنما یاسین ملک کو جھوٹے مقدمہ میں ممکنہ سزا سنائے جانے کی منصوبہ بندی کے خلاف انٹرنیشنل کشمیر پیس فورم نے یورپ بھر میں احتجاج کی کال دی ہے۔پچیس مئی سے پیرس میں بھارتی سفارتخانہ کے سامنے احتجاجی مظاہرہ ہوگا اور پھر احتجاج کا یہ سلسلہ یورپ بھر میں جاری رہے گا۔پہلا مظاہرہ پیرس میں بھارتی سفارت خانہ کے سامنے ہوگا۔ انہوں نے کہا کہ کشمیری حریت پسند رہنما یاسین ملک کو بے گناہی کے باوجود سزا دینے کی کوشش جارہی ہے۔فرانس میں مقیم پاکستانی و کشمیری کمیونٹی بھارتی سفارت خانہ کے باہر مظاہرہ کے موقع پر بڑی تعداد میں موجود ہوں گے۔ انٹرنیشنل کشمیر پیس فورم بھارتی عزائم کو ناکام بنانے کیلئے فرانس سمیت یورپ بھر میں مظاہرے کرے گی۔ بھارت بخوبی جانتا ہے آزادی کے متوالوں کو پھانسی دینے یا قتل کرنے سے تحریکیں کبھی نہیں رکتیں۔ لہٰذا بھارت کو ہوش کے ناخن لینے چاہئیں اور عالمی رہنماؤں، انسانی حقوق کے چیمپئن ہونے کے دعویٰ داروں کو اپنا کردار ادا کرنا چاہیے۔