Raza Musani 
قاہرہ : مصر کی دینی درسگاہ جامعہ الازہر نے نابلوس میں مسجد جلانے کی مذمت کرتے ہوئے خبردار کیاہےکہ بغیر احتساب کے جاری حملے کشیدگی کو مزید بڑھا سکتے ہیں۔ جامعہ الازہر نے ایک بیان میں نابلس کے گاؤں تل کی ابو بکر الصدیق مسجد جلانے کو غیرقانونی صیہونی آبادکاروں کی طرف سے دہشت گردانہ جرم قرار دیا ہے۔ الأزہر نے کہا کہ یہ واقعہ بین الاقوامی قوانین اور کنونشنز کی سنگین خلاف ورزی ہے اور عبادت گاہوں کی حرمت کی پامالی کو ظاہر کرتا ہے۔ بیان میں مزید کہا گیا کہ مذہبی مقامات پر حملے فلسطینیوں اور ان کے مقدس مقامات کے خلاف بڑھتے ہوئے جرائم کی عکاسی کرتے ہیں۔ ادارے نے اس واقعے کو خطے میں بڑھتے ہوئے تشدد سے جوڑتے ہوئے کہا کہ مسجدیں جلانا اور مذہبی اداروں پر حملے بین الاقوامی خاموشی اور قوانین کی خلاف ورزی روکنے میں ناکامی کی وجہ سے ہورہے ہیں۔ الأزہر نے عالمی برادری پر زور دیا کہ وہ فلسطینی شہریوں اور مذہبی مقامات کا تحفظ کرے، خلاف ورزیوں کو روکے اور ذمہ داران کو جوابدہ بنائے۔
