Raza Musani 
غزہ : صیہونی فوج نے جنگ بندی کی خلاف ورزی کرتے ہوئے غزہ پر وحشیانہ حملے کئے اور پانچ بچوں سمیت بیس فلسطینی شہید کردئے۔۔
اسرائیلی توپ خانے نے زیتون اور التفاح میں تین مقامات پر شدید گولہ باری کی جس سے دو بچوں سمیت گیارہ فلسطینی شہید اور دیگر زخمی ہوگئے۔ خان یونس کے جنوبی علاقہ قیزان رشوان میں بھی بے گھروں کے خیموں پر حملہ کیا گیا، جس میں چار فلسطینی شہید اور متعدد زخمی ہوئے۔ المواصی پر حملے میں دو فلسطینی شہید کئے گئے۔ خان یونس کے مشرقی، وسطی اور جنوبی علاقوں میں فوجی گاڑیوں نے بھاری مشین گنوں سے اندھا دھند فائرنگ کی جبکہ اسرائیلی بحریہ کی جنگی کشتیوں نے بھی ساحلی علاقوں پر گولے برسائے۔
ادھر اسرائیلی فوج نے مغربی کنارے کے علاقے جریکو میں چھاپے کے دوران گولیاں مار کر ایک نوجوان کو شہید اور تین کو زخمی کردیا۔ اسرائیلی فوج نے طوباس میں اسکول پر حملہ کرکے سامان کو نقصان پہنچایا، تعلیمی مواد اور آلات ضبط کیے۔ پانی، بجلی اور انٹرنیٹ کے نظام کو تباہ کر دیا۔
