Raza Musani 
کراچی : پاکستان۔ ایران، عراق ، سعودی عرب، برطانیہ سمیت دنیا کے بیشتر ممالک میں رمضان المبارک کا آغاز ہوگیا۔
سعودی عرب سمیت تمام عرب دنیا میں رمضان کی پہلی تراویح کا اہتمام کیا گیا۔ مکہ مکرمہ کی مسجد الحرام میں ہزاروں افراد نے تراویح میں حصہ لیا۔ دیگر عرب ممالک میں بھی مساجد میں تراویح ادا کی گئیں۔ پاکستان میں رات 10 بجے رویت ہلال کمیٹی نے رمضان کا چاند نظر آنے اور جمعرات کو پہلے روزے کا اعلان کیا۔ جس کے بعد مساجد میں ہنگامی طور پر تراویح کا اہتمام کیا گیا۔ افغانستان میں بھی رات سوا 11 بجے کے بعد رمضان المبارک کا چاند نظر آنے کا اعلان کیا گیا۔ امریکا۔ برطانیہ سمیت بیشتر یورپی ممالک میں بھی آج سے رمضان المبارک کا آغاز ہوگیا ہے، ہندوستان۔ اور بنگلہ دیش سمیت دیگر ممالک میں جمعہ کو پہلا روزہ رکھا جائے گا۔۔
