Raza Musani 
غزہ : صیہونی فوج نے صبح سویرے غزہ سٹی میں رہائسی عمارت پر حملہ کرکے دس فلسطینیوں کو شہید کردیا۔ حملے میں سات فلسطینی زخمی بھی ہوئے۔ جنگی طیاروں نے غزہ سٹی میں شاطی کیمپ پر بم برسائے۔ حملے میں پہلے سے تباہ عمارت ملبے کا ڈھیر بن گئی اور اس میں پناہ گزین شہید اور زخمی ہوگئے۔ کچھ دیر پہلے اسی علاقے میں جنگی طیاروں نے ایک اور عمارت کو نشانہ بنایا حملے میں دو خواتین اور تین بچے شہید ہوگئے۔ ادھر پوتی کی شہادت پر دنیا کو جھنجھوڑنے والے دادا خالد نبھان اسرائیلی بمباری میں شہید ہو گئے۔ فلسطینی شخص گزشتہ سال شہید پوتی کو چومتے اور اسے میری روح کہنے پر مشہور ہوئے تھے۔ صیہونی حملوں میں شہید فلسطینیوں کی مجموعی تعداد پینتالیس ہزار سے تجاوز کرگئی ہے۔ ادھر فضائی حملے میں کمال عدوان اسپتال کا پاور جنریٹر تباہ ہوگیا۔
