Raza Musani 
غزہ : حماس نے غزہ میں حکومتی اختیارات قومی انتظامی کمیٹی کو منتقل کرنے کے تمام انتظامات مکمل کر لیے۔ حماس کے ترجمان حازم قاسم نے بتایا کہ غزہ میں سرکاری اور انتظامی اداروں نے اختیارات کی منتقلی کے تمام طریقۂ کار کو حتمی شکل دے دی ہے۔ حازم قاسم نے کہا کہ جیسے ہی کمیٹی غزہ میں داخل ہوگی، اختیارات کی منتقلی کا عمل شفاف اور جامع انداز میں تمام شعبوں میں شروع کر دیا جائے گا۔ یہ عمل منظم فریم ورک کے تحت مکمل کیا جائے گا۔ حازم قاسم نے اپنی بات جاری رکھتے ہوئے کہا کہ منتقلی کے عمل کی نگرانی کے لیے اعلیٰ سطح کی کمیٹی تشکیل دی گئی ہے جو فلسطینی دھڑوں، قبائلی عمائدین، سول سوسائٹی کے رہنماؤں اور عالمی اداروں سے وابستہ شخصیات پر مشتمل ہے۔ انہوں نے تمام فریقین سے اپیل کی کہ وہ کمیٹی کے کام میں سہولت فراہم کریں تاکہ دو سالہ وحشیانہ نسل کشی کی جنگ سے ہونے والی تباہی کے بعد پٹی کی بحالی کا آغاز ہو سکے۔
