اسرائیل میں مسلح حملے، 2 برطانوی اور ایک اطالوی نژاد آبادکار ہلاک

تل ابیب: مسجد الاقصیٰ کی بے حرمتی کے بعد فلسطین اسرائیل کشیدگی عروج پر پہنچ گئی۔ مزاحمت کاروں کی جوابی کارروائیوں میں تین غیرملکی نشانہ بن گئے، اسرائیل میں چند گھنٹوں کے دوران دو حملوں میں برطانوی بہنیں اور ایک اطالوی سیاح کی جان چلی گئی۔ تازہ واقعہ تل ابیب میں ساحلی علاقے کورنیش میں پیش آیا جہاں ایک کار راہگیروں پر چڑھادی گئی۔ اس کارروائی میں ایک اطالوی سیاح ہلاک اور 6 زخمی ہوئے۔ پولیس نے کار ڈرائیور کو گولی مار کر شہید کردیا۔ اسرائیلی وزارت خارجہ نے اس کارروائی کو دہشت گردانہ حملہ قرار دیا۔ اس سے پہلے غرب الاردن میں فائرنگ کرکے دو صیہونی آباد کار خواتین کوہلاک اور تیسری کو زخمی کردیا گیا۔ فائرنگ کا واقعہ الحمرا جنکشن پر پیش آیا۔ فلسطینی مزاحمت کارچموقع سے فرار ہو گیا۔ ہلاک خواتین برطانوی نژاد بہنیں ہیں جبکہ ان کی والدہ زخمی ہوئیں۔ فلسطینیوں کے قتل عام پر خاموش امریکا اور دوسرے مغربی ممالک نے اسرائیل میں ہلاکتوں کی شدید مذمت کی ہے۔