Raza Musani 
عالمی ادارہ صحت نے دنیا کی دسویں کورونا ویکسین کے ہنگامی استعمال کی منظوری دی ہے جسے امریکی دوا ساز کمپنی نووا ویکس نے تیار کیا ہے اور اس کا نام نوویکسویڈ ہے۔ اس ویکسین کی دو خوراکیں چاہیے ہوتی ہیں اور یورپی یونین میں میڈیسن ریگولیٹر نے بھی اسے منظور کیا ہے۔عالمی ادارہ صحت نے کہا ہے کہ دو بڑے کلینیکل ٹرائلز میں سامنے آیا ہے کہ ویکیسن 90 فیصد مؤثر ہے۔امریکا اور میکسیکو میں 45 ہزار افراد پر ٹرائلز کیے گئے۔ یہ ویکسین پہلے منظور کی گئی ویکسینز کے مقابلے میں روایتی ٹیکنالوجی کی مدد سے تیار کی گئی ہے۔ یہ ویکسین کورونا وائرس پر پائے جانے والے پروٹینز کو استعمال کرنے کی روایتی ٹیکنالوجی سے بنائی گئی ہے جس سے مدافعت پیدا ہوتی ہے۔ ویکسین کے ہنگامی استعمال کی اجازت دینے سے دنیا بھر کے ممالک کے لیے راستہ کھلا ہے کہ وہ جلد سے جلد ویکسین کی منظوری حاصل کر سکیں اور اسے امپورٹ کر سکیں۔
