غاصب اسرائیلی فورسز کی بربریت جاری، ایک اور فلسطینی شہید، شہادتوں کی تعداد 5 ہوگئی

رام اللہ : صیہونی فورسز نے مقبوضہ مغربی کنارے میں رام اللہ کے قریب ایک اور فلسطینی لڑکے کو گولی مار کر شہید کر دیا ہے۔ یہ 24 گھنٹوں کے دوران پانچویں شہادت ہے۔صیہونی فورسز نے رام اللہ کے مغرب میں واقع المدیا نامی گاؤں میں دھاوا بولا اور گولیاں مار کر 17 سالہ نوجوان عودہ محمد عودہ کو شہیدکردیا۔ عودہ کو سینے پر گولی لگنے سے تشویشناک حالت میں فلسطین میڈیکل کمپلیکس لایا گیا تھا، لیکن جان بچانے کی کوششوں کے باوجود زخموں کی تاب نہ لاتے ہوئے چل بسا۔ فائرنگ سے محمود محیسن بیت لحم میں۔بلال عوض کبہا جنین میں، فلسطینی صحافی خاتون غفران وراسنه الخلیل میں اورسیف القدس کی جنگ میں صیہونی فوجیوں کی فائرنگ سے شدید زخمی یاسر المصری زخموں کی تاب نہ لاتے ہوئے غزہ میں شہید ہوا۔