Raza Musani 
تہران : ایران نے زمین کے مدار میں دوسری فوجی سیٹلائٹ کو روانہ کردیا پاسدران انقلاب کےکمانڈر میجر جنرل حسین سلامی نے نور 2 نامی سیٹلائٹ کو کامیابی سے خلا میں روانہ کرنے کی تقریب سے خطاب میں کہا کہ یہ کوئی واقعہ نہیں بلکہ یہ ان سازشوں کیخلاف ایک فتح ہے جس نے کبھی بھی ایران کو کسی بھی شعبے میں ترقی پذیر نہیں دیکھنا چاہا سیٹلائٹ کو مدار میں بھیجنا ایک ترقی یافتہ ملک کی علامت ہوتی ہے۔ عالمی پابندیوں کے باوجود ایران اسلامی نظام کے ساتھ اتنی بڑی کامیابیاں حاصل کرسکتا ہے۔ خطاب کے آخر میں جنرل حسین سلامی نے امید ظاہر کی کہ مقررہ وقت میں مزید سیٹلائٹس کامیابی کے ساتھ مدار میں بھیجی جاتی رہیں گی۔
واضح رہے کہ اس سے قبل ایران نے 2020 میں نور 1 نامی سیٹلائٹ زمینی مدار میں بھیجی تھی.
