Raza Musani 
ابوظہبی : اسرائیل اور متحدہ عرب امارات کے درمیان آزاد تجارتی معاہدہ طے پاگیا ، جس کے تحت تجارتی حجم 2 ارب ڈالر سے بڑھنے کا امکان ہے، ابوظہبی میں اسرائیل کے وزیر معیشت اور صنعت اورنا باربیوا اور ان کے اماراتی ہم منصب وزیر معیشت عبداللہ بن طوق المری نے کئی ماہ کے مذاکرات کے بعد معاہدے پر دستخط کیے۔معاہدہ کے تحت دونوں ممالک کے تاجروں کو مارکیٹوں تک کم ٹیرف میں تیز تر رسائی ملے گی جس سے دوطرفہ تجارت میں اضافہ ہوگا۔ دونوں ممالک کے درمیان قابل تجدید اشیا، اشیائے صرف، سیاحت اور لائف سائنس کے شعبوں میں مزید تعاون بڑھایا جائے گا۔دبئی تیزی سے اسرائیلی کمپنیوں کا مرکز بنتا جا رہا ہے، سال رواں کے آخر تک تقریباً ایک ہزار اسرائیلی کمپنیاں متحدہ عرب امارات میں یا اس کے ذریعے کام کر رہی ہوں گے، اور اس کی ماضی میں مثال نہیں ملتی.
