عمران خان کیخلاف ایک اور مقدمہ درج، تعداد 90 سے تجاوز

لاہور : پاکستان کے سابق وزیراعظم عمران خان پر مقدمات کی بھرمار کردی گئی ۔ اسلام آباد میں ہنگامہ آرائی کے مقدمے سے مجموعی تعداد 95 ہوگئی۔ اسلام آباد میں محکمہ انسداد دہشت گردی نے عمران خان سمیت پارٹی کے 18 رہنماؤں پر مقدمہ درج کرلیا۔ عمران خان کی توشہ خانہ کیس میں پیشی کے موقع پر اسلام آباد میں ہنگامہ آرائی، جلاؤ گھیراؤ، توڑ پھوڑ اور پولیس پر حملوں کا مقدمہ تھانہ سی ٹی ڈی میں درج کیا۔ جس میں دہشت گردی سمیت 10جرائم کی مختلف دفعات شامل کی گئی ہیں۔ ادھر زمان پارک لاہور میں پی ٹی آئی کارکنوں کےپولیس پر حملے کا ایک اور مقدمہ درج کر لیا گیا ہے۔ مقدمہ دہشت گردی، اقدام قتل سمیت 13 دفعات کے تحت درج کیا گیا ہے۔ ادھر جوڈیشل مجسٹریٹ نے 102 ملزمان کو 1 روز کے ریمانڈ پر پولیس کی تحویل میں دے دیا۔