امریکی پابندیاں، ابتدائے اسلام میں کفار و مشرکین مکہ کی مسلمانوں کےخلاف سماجی اور اقتصادی محاصرے جیسی ہیں( سید حسن نصراللہ)

شعب ابیطالب ؑمیں رسول اکرم کی حوالگی کا مطالبہ کیا گیا اسی طرح حزب اللہ سے کہا جارہا ہے کہ وہ اسلحے سے دستبردار اور لبنان کو بے یار و مددگار چھوڑ دے
کورونا وائرس اسی دیمک کی طرح ہے جو شعب ابیطالب ؑکے محاصرہ کا سبب بنی، ممکن ہے کہ یہ وائرس بھی ظالمانہ محاصرہ ختم ہونے کا سبب بن جائے
بیروت (نیوز ڈیسک) حزب اللہ کے سربراہ سید حسن نصراللہ نے موجودہ صورتحال کو استقامتی محاذ کیلئے شعب ابی طالب ؑجیسی صورتحال کے مترداف قرار دیا ہے ، ایک تقریب سے خطاب میں سید حسن نصراللہ نے ایران اور حزب اللہ کے خلاف امریکی پابندیوں کو ابتدائے اسلام میں کفار و مشرکین مکہ کی جانب سے مسلمانوں کے سخت ترین سماجی اور اقتصادی محاصرے جیسا قرار دیا ،انہوں نے کہا کہ جس طرح شعب ابی طالبؑ میں بنی ہاشم کے محاصرے کے دوران مسلمانوں سے مطالبہ کیا گیا تھا کہ وہ حضرت محمد صلی اللہ علیہ وآلہ و سلم کو حوالے کر دیں تو انہیں آزادی مل سکتی ہے، اسی طرح آج حزب اللہ سے مطالبہ کیا جارہا ہے کہ وہ اسلحے سے دستبردار ہوجائے اور لبنان کو بے یار و مددگار چھوڑ دے تاکہ اسرائیل کا جو جی چاہے انجام دے، حزب اللہ کے سربراہ کا کہنا تھا کہ کورونا وائرس ا±سی دیمک کی مانند ہے جو پیغمبر اسلام صلی اللہ علیہ وآلہ و سلم کے زمانے میں شعب ابی طالب ؑکا محاصرہ ہونے کا سبب بنی، انہوں نے کہا کہ ممکن ہے کہ یہ وائرس بھی بعض قوموں کے خلاف جاری ظالمانہ محاصرہ ختم ہونے کا سبب بن جائے۔