امریکا سمجھ لے محدود اور نپے تلے ردعمل کا دور ختم ہوچکا ہے، قالیباف

ایرانی پارلیمنٹ کے اسپیکر باقر قالیباف نے کہاہےکہ امریکا کو سمجھ لینا چاہیے کہ محدود اور نپے تلے ردعمل کا دور اب ختم ہو چکا، ایرانی مفادات اور سلامتی کو نقصان پہنچانے والی کارروائی کا ردعمل اب فوری، شدید اور تکلیف دہ ہوگا۔ محمد باقر قالیباف نے کہا کہ امریکا کو بہت دیر ہونے سے پہلے سمجھ لینا چاہیے کہ ایران کے ساتھ تنازعے کے قواعد تبدیل ہوچکے ہیں۔ایران اب متناسب جوابی کارروائی کے دور سے آگے بڑھ چکا ہے۔ ایرانی پارلیمنٹ کے اسپیکر نے خطے میں امریکی اڈوں کے خلاف ایران کی حالیہ کارروائیوں کو صرف ایک آغاز قرار دیا۔ انہوں نے دعویٰ کیا کہ تنازعے میں مشکلات کا سامنا کرنے کے بعد امریکا مصنوعی ذہانت کے ذریعے میدانِ جنگ کی تصاویر اور ویڈیوز تیار کر رہا ہے۔ قالیباف نے کہا کہ ایران اپنی سلامتی اور مفادات کے خلاف کسی بھی اقدام کا فیصلہ کن جواب دینے کے لیے تیار ہے۔