Raza Musani 
اسلام آباد : نومنتخب چیئرمین مجلس وحدت مسلمین پاکستان علامہ راجہ ناصر عباس جعفری کو اسلامی ممالک کے سفیروں، اسلامی تحریکوں اور تنظیموں کے سربراہان اور شخصیات کی جانب سے مبارکباد اور نیک خواہشات کے پیغامات موصول ہونے کا سلسلہ جاری ہے۔ اس سلسلے میں مجلس اعلیٰ اسلامی عراق کے سربراہ شیخ ھمام حمودی، سابق سربراہ سید عمار الحکیم، عہداللہ تحریک عراق کے سربراہ سید ہاشم الحیدری، جمعیت العمل بحرین کے رہنماء شیخ عبداللہ صالح، بین الاقوامی مقاومت اسلامی سپورٹ فورم کے سیکریٹری جنرل ڈاکٹر یحییٰ غدار، فلسطینی تحریک آزادی حماس کے رہنماء خالد قدومی، تہران میں یمن کے سفیر ابو غدیر، پاکستان میں تعینات شام کے سفیر بسام عمران، حزب موتلفہ اسلامی تہران کے سیکریٹری بین الاقوامی امور محمد بومیان و متعدد دیگر عالمی اسلامی رہنماؤں اور شخصیات نے علامہ راجہ ناصر عباس جعفری کے لیے مبارکباد کے پیغامات بھیجے ہیں اور نیک خواہشات کا اظہار کیا ہے۔
