Raza Musani 
کراچی : شیعہ علما کونسل پاکستان کے مرکزی سیکریٹری جنرل علامہ ڈاکٹر شبیر حسن میثمی نے کہاہے کہ ہم ایک ایسی قوم ہیں، جس نے پاکستان میں سب سے زیادہ جنازے اٹھائے ہیں، پھر بھی ہم نے امن کا درس دیا۔ یوم عاشورہ پر دھماکے کا حوالہ دیتے ہوئے علامہ شبیر حسن میثمی نےکہا کہ اگر دنیا میں عزاداری کی مضبوطی دیکھنی ہے تو کراچی میں جلوس حسین (ع) پر ہونے والے دھماکے کے بعد کے منظر میں دیکھیں۔ عزاداروں کے درمیان دھماکا ہوا تاریخ گواہ ہے ایک بچہ نہیں بھاگا۔ ایک پرچمِ حضرت ابوالفضل العباس زمین پر نہیں آیا۔ جلوس اپنی منزل کی طرف رواں دواں رہا، عشق حسینی کا جنون اور بڑھ گیا۔ انہوں نے کہاکہ ہم نے ہمیشہ قربانی دی ہے اور دیتے رہیں گے۔ ہمارا فلسفہ، فلسفۂ قربانی ہے۔ عزاداری کے لیے جتنی قربانی دینی پڑے ہم دینے کے لیے تیار ہیں۔
