الجزائر کی رفح قتل عام پر سلامتی کونسل کا ہنگامی اجلاس بلانے کی درخواست

نیویارک: الجزائر نے رفح قتل عام پر سلامتی کو نسل کا ہنگامی اجلاس بلانے کی درخواست کردی۔
صیہونی وزیراعظم نیتن یاہو نے رفح حملے کو افسوسناک قرار دیتے ہوئے کہا ہے کہ واقعے کی تحقیقات کر رہے ہیں، نتائج سامنے لائیں گے۔ وائٹ ہاؤس نے اسرائیلی موقف کی تائید کرتے ہوئے کہا ہے کہ اسرائیل کو اپنے دفاع اور حماس کے پیچھے جانے کا حق ہے۔ اسرائیل کو شہریوں کے تحفظ کے لیے مزید کچھ کرنا چاہیے۔ الجزائر نے نیتن یاہو کے بیان کی مذمت کرتے ہوئے پر سلامتی کونسل کا ہنگامی اجلاس بلانے کی درخواست کردی۔
اقوام متحدہ کی امدادی ایجنسی کے سربراہ مارٹن گرفتھ نے کہا ہے کہ رفح حملہ غلطی ہو یا جنگی جرم جو بھی ہوا وہ غزہ کے عوام کیلئے انتہائی ظالمانہ اور مکروہ فعل تھا۔ سعودی وزیر خارجہ شہزادہ فیصل بن فرحان نے کہا ہے کہ غزہ میں انسانی صورتحال مکمل طور پر ناقابل قبول ہے۔آئرلینڈ کے وزیر خارجہ مائیکل مارٹن نےکہا ہےکہ اگر اسرائیل نے رفح پر حملے روکنے کے عالمی عدالت کے فیصلے کی تعمیل نہیں کرتا ہے تو یورپی یونین پابندیوں کے نفاذ پر غور کرے گی۔ سعودی وزیر خارجہ شہزادہ فیصل بن فرحان نے کہا ہے کہ غزہ میں انسانی صورتحال مکمل طور پر ناقابل قبول ہے۔ ترک صدر طیب اردوان نے کہا کہ ہم ان وحشیوں اور قاتلوں کا احتساب کرنے کے لیے ہر ممکن کوشش کریں گے جن کا انسانیت سے کوئی لینا دینا نہیں۔