القسام کی طاقت کے سامنے صیہونی دشمن کی کوئی حیثیت نہیں، حماس

غزہ : حماس کے ترجمان فوزی برہم نے کہا ہے کہ قطر کے الجزیرہ ٹی وی پر دکھائی گئی القسام بریگیڈ کے میزائلوں کی ویڈیو صیہونیوں کے لئے پیغام ہے کہ القسام کی طاقت کے سامنے ان کی حیثیت نہیں۔ فوزی برہم نے کہا کہ القسام بریگیڈ پوری طاقت سے جنگ ختم کرنے کی صلاحیت اور عزم و ارادے کی حامل ہے اور یہی ہماری قوم کے لئے باعث اطمینان ہے۔ برہم صالح نے بیت المقدس کو حماس اور دیگر فلسطینی استقامتی گروہوں کی ریڈ لائن اور اس کے خلاف صیہونیوں کے ہر اقدام کو آگ سے کھیلنے کے مترادف قرار دیا۔ اگر صیہونی حکومت نے کسی طرح کا کوئی اقدام کیا تو القسام بریگیڈ اس کا جواب دینے کے لئے پوری طرح تیار ہے۔ حماس کے عسکری شعبے القسام بریگیڈ کے سینئرکمانڈر محمد السنوار نے کہا کہ استقامتی گروہوں کا وہ آخری حملہ جس نے صیہونی حکومت کو سیف القدس نامی جنگ روکنے پر مجبور کردیا وہ مقبوضہ علاقوں میں 362 میزائلوں کا فائر کیا جانا تھا۔