القسام بریگیڈ کے نئے کمانڈر اہلیہ اور 2 بیٹوں سمیت شہید

غزہ : غزہ میں ریائش گاہ پر حملے میں حماس کی القسام بریگیڈ کےنئے سربراہ محمد عودہ۔ اہلیہ اور دو بیٹوں سمیت شہید کردئے گئے۔
عزالدین الحداد کی شہادت کے بعد یہ عہدہ محمد عودہ نے سنبھالا تھا۔ اسرائیلی فوج نے غزہ سٹی کے علاقے رمل میں رہائشی عمارت کو نشانہ بنایا، جس سے عمارت کی بالائی منزل تباہ ہوگئی۔ عودہ فیملی کے علاوہ مزید تین فلسطینی شہید اور بیس سے زائد زخمی ہوئے۔ محمد عودہ نے صرف 11 روز قبل ہی عزالدین الحداد کی جگہ القسام بریگیڈز کی قیادت سنبھالی تھی۔ حماس نے ایک بیان میں کہاکہ محمد عودہ ان کے اہل خانہ اور مقدسات کی آزادی کے لیے جانیں نچھاور کرنے والے صابر فلسطینی عوام اور دیگر رہنماؤں کا خونِ ناحق کبھی رائیگاں نہیں جائے گا۔ یہ پاکیزہ خون ہمارے غیور عوام میں غاصب دشمن کے خلاف جدوجہد، صمود اور مزاحمت کے راستے پر چلنے کے لیے ایک ایسا ایندھن بنے گا جو ان کے عزم کو مزید جلا بخشے گا۔