غزہ پر اسرائیلی جارحیت، شہریوں کیلئے اب تک کی سب سے شدید، تباہ کن اور مہلک لڑائی

لندن: برطانیہ کی ایک تنظیم ائروارز نے گذشتہ سال اکتوبر سے غزہ میں فلسطینیوں کے خلاف اسرائیلی جارحیت کو حالیہ تاریخ کا سب سے زیادہ تباہ کن اور مہلک تنازعہ قرار دیا ہے۔غزہ میں جاری نسل کشی کے 435 ویں دن وزارت صحت کی طرف سے جاری تازہ ترین اعداد و شمار کے مطابق شہداء کی تعداد 44،930 تک پہنچ گئی ہے، جب کہ 106،624 زخمی ہوئے ہیں۔ ائروارز کے مطابق غزہ میں اسرائیلی مہم کے پہلے مہینے سے شہریوں کو پہنچنے والا نقصان 21ویں صدی کی کسی بھی فضائی مہم سے بے مثال ہے۔ ائروارز کے مطابق اس نے اب تک جتنی جنگوں کو دستاویز کیا ہے کہ اس میں غزہ میں اسرائیلی لڑائی شہریوں کیلئے اب تک کی سب سے شدید، تباہ کن اور مہلک لڑائی ہے۔ تنظیم کے مطابق گزشتہ سال اکتوبر میں 25 دنوں کے دوران غزہ میں کم از کم 5,139 شہری مارے گئے جو کہ کسی بھی تنازعے کے مقابلے میں ایک ماہ کے دوران مارے گئے شہریوں کی چار گنا زیادہ تعداد ہے۔