Raza Musani 
واشنگٹن :امریکی انخلاء کے دو سال سے بھی کم عرصے میں افغانستان داعش خراسان کے لیے ایک اہم رابطہ مرکز بن گیا ہے۔ امریکی محکمہ دفاع پینٹاگان کی ایک افشا ہونیوالی دستاویزکے مطابق داعش افغانستان سے یورپ اور ایشیاء میں دہشت گرد حملوں کی منصوبہ بندی کر رہی ہے۔ داعش خراسان افغانستان سے باہر سفارت خانوں، گرجا گھروں اور شاپنگ مالز کو نشانہ بنانےکی منصوبہ بندی کررہی ہے۔ جس کیلئے نیٹ ورک بنایا جارہا ہے۔ دستاویزات کے مطابق امریکی انٹیلی جنس ایجنسیاں متعدد بار داعش کےدھڑوں کے درمیان رابطےتوڑنے میں کامیاب رہی ہیں پینٹاگان حکام کو دسمبر میں دہشت گردی کے نو منصوبوں کےبارے میں علم تھا اور پہلے نامعلوم ٹاپ سیکرٹ کے جائزے کے مطابق فروری تک یہ تعداد 15 تک پہنچ گئی تھی۔ دستاویزکے مطابق افغانستان میں پیش رفت اس پیچیدہ اور ابھرتے ہوئے دہشت گردی کے خطرے کا صرف ایک پہلو ہے جو افشاں ہونے والی دستاویزات سے ظاہر ہوا ہے۔ بائیڈن انتظامیہ کے اہلکاروں نے افشاں ہونے والی دستاویزات پر تبصرہ کرنے سے انکار کر دیا لیکن عہدہ سنبھالنے کے بعد سے انسداد دہشت گردی پر اپنے ریکارڈ کا دفاع کیا ہے۔
