Raza Musani 
کوئٹہ : بلوچستان کے شہر کوئٹہ میں مسافر ٹرین کو بم دھماکے کا نشانہ بنایا گیا ہے جس کے نتیجے میں فوجیوں سمیت تیس افراد شہید اور سو سے زائد زخمی ہو گئے۔ کوئٹہ میں چمن پھاٹک کے قریب ریلوے ٹریک پر اس وقت دھماکا ہوا جب ٹرین پھاٹک کے قریب پہنچی جس سے دو بوگیاں پٹڑی سے اتر گئیں اور آگ لگ گئی۔
دھماکا اس قدر شدید تھا کہ اس کی گونج سے قریبی عمارتوں کے شیشے اور کھڑکیاں ٹوٹ گئیں۔ پھاٹک کے قریب رہائشی علاقے میں گھروں کی کھڑکیوں کے شیشے ٹوٹ گئے اور گھروں کے باہر گاڑیوں میں آگ گئی۔ جس ٹرین میں دھماکا ہوا وہ شٹل سروس ہے جو کوئٹہ چھاؤنی اور ریلوے اسٹیشن کے درمیان چلتی ہے۔ مرنیوالوں میں بیشتر فوجی ہیں جو عید کی چھٹیوں پر اپنے اپنے آبائی علاقوں کو جارہے تھے۔ لاشیں سول اسپتال لائی گئی ہیں جن میں خواتین اور بچے بھی شامل ہیں۔
