Raza Musani 
اسلام آباد تحریک حسینیہ پاکستان اور ادارہ منہاج الحسینؑ کے سربراہ علامہ ڈاکٹر محمد حسین اکبر نے 9 جولائی سے 16 جولائی تک ہفتہ عظمت اہلبیتؑ و امہات المعصومینؓ منانے کی اپیل کی ہے، ادارہ منہاج الحسینؑ کے ذمہ داران سے خطاب کرتے ہوئے علامہ محمد حسین اکبر کا کہنا تھا کہ علمائے کرام، ذاکرین عظام، آئمہ جمعہ جماعت اپنی مجالس، محافل اور جمعہ کے اجتماعات میں عظمت اہلبیتؑ و امہات المعصومینؑ بیان کریں، ایک بدبخت گستاخ نے آئمہ معصومین علیہم اور ان کی مادران گرامی ؑ کی شان میں انتہائی نازیبا الفاظ کے ذریعے گستاخی کرتے ہوئے دنیا بھر کے مسلمانوں کے جذبات کو مجروح کیا ہے، جس پر پوری دنیائے اسلام سراپا احتجاج ہے،انہوں نے کہا کہ اس عالمی سازش کو ناکام بنانے کیلئے میری تمام علمائے اسلام، ذاکرین عظام، خطباء، دانشور حضرات، عزاداران اور سوشل میڈیا ایکٹیویسٹ سے درخواست ہے کہ 9 جولائی سے 16 جولائی تک عظمت اہلبیت اطہارؑ و امہات المعصومین علیہم السلام کے تذکرہ و اذکار کیساتھ پورا ہفتہ منا کر دشمن کو منہ توڑ جواب دیں۔ انہوں نے کہا کہ یہ سب کچھ عالمی ایجنڈے کے تحت ہو رہا ہے اور محرم سے قبل پاکستان کی پُرامن فضا کو خراب کرنے کی بھیانک سازش ہے۔ انہوں نے کہا کہ عوام بھی بیدار رہیں اور ایسے کسی اقدام کے ردعمل میں فریق مخالف کے مقدسات کی توہین نہ کریں بلکہ معاملے کو قانونی طریقے سے حل ہونے دیں۔
