Raza Musani 
نیویارک: اقوام متحدہ کے پچاسی رکن ممالک اور متعدد بین الاقوامی تنظیموں نے مقبوضہ مغربی کنارے میں اسرائیل کی الحاق پالیسی کی شدید مذمت کرتے ہوئے اسے فوری واپس لینے پر زور دیا ہے۔ اقوام متحدہ میں فلسطین کے مستقل مندوب ریاض منصور نے رکن ممالک اور تنظیموں کی جانب سے مشترکہ بیان پڑھ کر سنایا۔ انہوں نے کہا کہ اسرائیل کی جانب سے مقبوضہ مغربی کنارے کی زمینوں کو سرکاری ملکیت قرار دینے کا منصوبہ ناقابل قبول اوربین الاقوامی قانون کی کھلی خلاف ورزی ہے۔ انہوں نے کہا کہ یکطرفہ فیصلوں کے ذریعے اسرائیل اپنے غیرقانونی قبضے کو وسعت دے رہا ہے، جس کی فوری واپسی ضروری ہے۔ اقوام متحدہ کے رکن ممالک نے خبردار کیا کہ اس منصوبے سے فلسطینیوں کی زمینوں سے بے دخلی اور آبادیاتی تناسب میں تبدیلی کا خطرہ بڑھ جائے گا۔ بیان میں مشرقی یروشلم سمیت مقبوضہ فلسطینی علاقوں کی حیثیت تبدیل کرنے کی ہر کوشش کو مسترد کیا گیا۔ اور کسی بھی قسم کے الحاق کی قطعی مخالفت کا اظہار کیا گیا۔
