Raza Musani 
لاہور : امامیہ اسٹوڈنٹس آرگنائزیشن پاکستان کے مرکزی صدر عارف حسین نے کہا کہ 6 جولائی 1980ء ملت تشیع پاکستان کی تاریخ کا اہم ترین دن ہے کہ جس روز آمر حکمران کیخلاف مخلص عالم دین کی آواز ملت کے حقوق کی ترجمان بن کر ابھری، اس دن زبردستی نافذ کئے گئے زکواة آرڈیننس کیخلاف ملت جعفریہ نے قائد ملت مفتی جعفر حسین کی قیادت میں پاکستان کے بدترین آمر کیخلاف قیام کیا اور اللہ کی مدد اور اتحادِ ملت کی برکت سے اپنے تمام تر مطالبات کو تسلیم کروایا، مرکزی صدر نے کہا کہ 6 جولائی کو مفتی جعفر حسین نے ایک ظالم و جابر آمر کے سامنے نہ جھک کر ہمیں ظالموں کے سامنے ڈٹ جانے کا جو درس دیا ہے، وہ ہمارے لئے مشعل راہ ہے، عارف حسین نے کہا کہ بدقسمتی سے ملت تشیع پاکستان کیلئے کامیابی و نصرت کے اس عظیم دن کو کچھ گمراہ لوگ فساد و فتنہ کا دن قرار دینے کیلئے کوشاں ہیں، جس میں وہ ہرگز کامیاب نہیں ہوں گے، یہ عظیم دن ملت تشیع پاکستان کو متحد ہونے کا درس دیتا ہے۔
