Raza Musani 
غزہ : صیہونی فوج نے ہٹ دھرمی کا مظاہرہ کرتے ہوئے غزہ میں حملے جاری رکھے ہوئےہیں۔ جنگی طیاروں نے رفح۔ جبالیہ ۔ بیت حنون میں کئی مقامات کو نشانہ بنایا۔ صیہونی طیاروں نے رفح میں ایک گھر پر میزائل داغ دیا جس سے بچے سمیت خاندان کے چھ افراد شہید ہوگئے۔ بیت حنون پر حملے میں سولہ فلسطینی شہید ہوئے۔ جبکہ جبالیہ میں کارروائی کے دوران کئی شہادتیں ہوئی ہیں۔ فلسطینی وزارت صحت کے مطابق چوبیس گھنٹوں میں شہدا کی تعداد اکاون ہوگئی ہے۔جبکہ کئی زخمی ہوئے ہیں۔
جبالیہ میں صیہونی فوج کو شدید مزاحمت کا سامنا ہے۔ خونی جھڑپوں کی وجہ سے فلسطینی جبالیہ چھوڑ کر جارہے ہیں۔ حماس کے القسام بریگیڈ نے صیہونی فوجیوں پر کئی حملے کئے ہیں۔ مزاحمت کاروں نے ایک سرنگ میں گھسنے والے فوجیوں پر گھات لگاکر حملہ کیا۔ حملے میں تمام اسرائیلی فوجیوں کو ہلاک، زخمی یا گرفتار کر لیا گیا ہے۔ اسرائیلی فوجیوں سے اسلحہ بھی چھین لیا گیا ہے۔ تاہم اسرائیل نے اپنے کسی فوجی کی گرفتاری کی تردید کی ہے۔
