Raza Musani 
لکھنو : بھارتی ریاست اُتر پردیش کے ریاستی اسمبلی کے انتخابات میں 36 مسلم امیدواروں نے کامیابی حاصل کی ہے۔ 2017 کے انتخابات میں جیتنے والے مسلمان امیدواروں کی تعداد 24 تھی۔ مبصرین نے اسے حوصلہ افزا علامت قرار دیا ہے.سبھی 36 امیدوار سماج وادی پارٹی سے تعلق رکھتے ہیں۔ اترپردیش کے انتخابات میں اصل مقابلہ بی جے پی اور سماج وادی پارٹی کے درمیان ہی تھا۔ اسدالدین اویسی کی آل انڈیا مجلس اتحاد مسلمین انتخابات میں مؤثر ثابت نہیں ہوئی اور یہ پارٹی ایک بھی نشست جیتنے میں کامیاب نہیں ہو سکی۔ مبصرین کے مطابق اترپردیش میں مسلمانوں کے ووٹ کانگریس، سماج وادی پارٹی اور بہوجن سماج پارٹی میں تقسیم ہو جاتے ہیں اور مسلمان ووٹرز ایک مؤثر آواز بن کر سامنے آنے میں ناکام رہتے ہیں۔ لیکن اس بار ایسا نہیں ہوا 79 فیصد مسلم ووٹرز نے سماج وادی پارٹی کو ووٹ دیا.موجودہ حالات میں بی جے پی کے مسلم مخالف بیانیے نے مسلم نمائندوں کا جیتنا مشکل کر دیا ہے۔ ایسے حالات میں صرف 36 ایم ایل ایز کا جیتنا بھی اہم ہے۔
