Raza Musani 
برسلز : یورپ کے ساڑھے تین سو سے زائد سابق وزراء ۔ سفارت کاروں اور دیگر شخصیات نے یورپی یونین اسرائیل ایسوسی ایشن معاہدہ معطل کرنے کا مطالبہ کردیا۔ جب سے فلسطین سے عالمی توجہ ہٹی ہے سابق یورپی حکام نے ایک کھلے خط میں لکھا ہےکہ اسرائیلی حکومت نے اپنی غیر قانونی قبضے کی پالیسی اور انسانی حقوق کی خلاف ورزیوں کو ناقابل برداشت حد تک بڑھا دیا ہے۔ خط میں لکھا گیاہےکہ اسرائیلی حکومت یورپی یونین کے بنیادی اصولوں کی خلاف ورزی کر رہی ہے اور بطور قابض قوت اس کی قانونی و اخلاقی ذمہ داری برقرار ہے۔ انہوں نے یورپی یونین سے معاہدے کو مکمل یا جزوی طور پر معطل کرنے، بستیوں کے ساتھ تجارت روکنے، فوجی تعاون کو معطل کرنے اور جبر میں ملوث افراد پر پابندیوں اور ویزا پابندیوں کو بڑھانے کا مطالبہ کیا۔
