Raza Musani 
غزہ : صیہونی فوج نے غزہ پر بمباری کرکے مزید تین فلسطینی شہید اور کئی زخمی کردئے۔ جبکہ چوون لاشیں اور باقیات کے چھیاسٹھ تابوت غزہ انتظامیہ کے حوالے کردئے۔
صیہونی فوج نے غزہ کے علاقے دیر البلاح میں بے گھروں کے خیموں کو نشانہ بنایا۔ جس کے نتیجے میں باپ اور کم سن بیٹا شہید ہوگئے۔ جبکہ شاطی کیمپ میں ایک نوجوان اسرائیلی حملے کا نشانہ بنا۔ تازہ شہادتوں کے بعد چوبیس گھنٹوں میں اسرائیلی حملوں میں شہید فلسطینیوں کی تعداد چوبیس ہوگئی۔ جنوبی علاقے میں سات، وسطی غزہ میں دو، اور شمالی غزہ میں پندرہ فلسطینیوں کو شہید کیا گیا.
ادھر اسرائیلی فوج نے چوون شہدا کی لاشیں اور دیگر شہداء کی باقیات پر مشتمل چھیاسٹھ تابوت ریڈ کراس کے ذریعے غزہ میں حکام کے حوالے کر دیے۔ تمام لاشیں اور باقیات الشفاء میڈیکل کمپلیکس منتقل کی گئیں، جہاں شناخت اور معائنہ کے بعد انہیں لواحقین کے سپرد کیا جائےگا۔
