صوابی میں کالعدم ٹی ٹی پی کے 2 دہشتگرد ہلاک، 4 گرفتار

صوابی : صوبہ خیبرپختونخوا میں پولیس نے ایک کارروائی میں دہشت گرد تنظیم کالعدم تحریک طالبان پاکستان کے دو کمانڈروں کو ہلاک کردیا ہے۔ دونوں کمانڈر پانچ پولیس افسروں کے قتل اور چوکیوں پر حملوں میں ملوّث تھے۔ پولیس نے ضلع صوابی کے گاؤں ہنڈ میں کارروائی کے دوران 4 دہشت گردوں کو گرفتار بھی کیاگیا ہے اور ان کے قبضے سے بارود، دستی بم، الیکٹرانک ڈیٹونیٹرز اور کلاشنکوف رائفلیں برآمد کرلی ہیں۔