یمن جنگ میں مدد بند لیکن اسلحہ بکتا رہے گا،امریکا کی دھوکا بازی

 یمن جنگ کا خاتمہ ہونا چاہیے،امریکی صدر جو بائیڈن کا عرب اتحاد کی حمایت بند کرنے کا اعلان ، حوثیوں کو دہشت گرد تنظیموں کی فہرست سے بھی نکال دیا
 یمن جنگ کی حمایت کے خاتمہ اور انصار اللہ کو دہشت گردوں کی فہرست سے نکالنے کے باوجود امریکا سعودی عرب کی عسکری مدد جاری رکھے گا،پینٹاگون
واشنگٹن(نیوزڈیسک) امریکا نے یمن جنگ میں سعودی عرب کی حمایت ختم اور انصار اللہ کو د ہشت گرد تنظیموں کی فہرست سے نکالنے کا اعلان کرکے سعودی عرب کو پیغام بھی دید یا اور سعودی دفاع کیلئے مدد جاری رکھنے کا وعدہ کرکے اپنی اسلحہ فیکٹریاں چلتے رکھنے کا راستہ بھی کھلا رکھا ہے، امریکی صدر جو بائیڈن نے خارجہ پالیسی سے متعلق اپنے پہلے اہم خطاب میں کہا ہے کہ یمن جنگ کا خاتمہ ہونا چاہیے،انہوں نے یمن جنگ میں عرب اتحاد کی حمایت اور مدد بند کرنے کا اعلان کرتے ہوئے کہاکہ امریکا سعودی عرب اور متحدہ عرب امارات کو ہدف کو نشانہ بنانے والے جدید اسلحہ کی فروخت بھی بند کر دے گا جبکہ پینٹاگون کے ترجمان جان کربی نے کہا کہ یمن کی جنگ میں سعودی عرب کے ساتھ انٹیلی جنس تعاون تعاون روک دیا گیا ہے تاہم فوجی پالیسیوں میں نظرثانی سے واشنگٹن کے عسکری معاہدوں پر کوئی اثر نہیں پڑے گا اور معاہدے اپنی جگہ برقرار رہیں گے، یمن جنگ میں ایک اندازے کے مطابق اب تک ایک لاکھ دس ہزار سے زائد افراد مارے جا چکے ہیں، امریکی محکمہ دفاع پینٹاگو ن نے اعلان کیا کہ حوثیوں کو دہشت گرد تنظیموں کی فہرست سے نکال دیا گیا ہے ، یہ فیصلہ انسانی بنیادوں پر کیا جس سے کانگریس کو آگاہ کردیا گیا انصار اللہ کو دہشت گردوں کی فہرست سے نکالنے کے باوجود سعودی سرزمین پر حملوں کے دفاع میں امریکا سعودی عرب کی مدد جاری رکھے گا، امریکا کے سابق وزیر خارجہ مائیک پومپیو نے عہدہ چھوڑنے سے قبل حوثیوں کو دہشت گردوں کی فہرست میں شامل کیا تھا۔