گلگت بلتستان میں عام انتخابات 15 نومبر کو ہونگے، صدر نے منظوری دیدی

اسلام آباد (نیوز ڈیسک)صدر مملکت پاکستان ڈاکٹر عارف علوی نے گلگت بلتستان اسمبلی کیلئے عام انتخابات کرانے کی منظوری دیدی۔ جی بی میں عام انتخابات 15 نومبر بروز اتوار کو ہوں گے۔ صدر مملکت نے وزیر اعظم کی جانب سے بھیجی گئی سمری کی منظوری دی۔ خیال رہے کہ اس سے قبل صدر مملکت نے 18 اگست کو جی بی میں پولنگ کی منظوری دی تھی تاہم الیکشن کمیشن کی تیاریاں نہ ہونے پر الیکشن شیڈول معطل کیا گیا تھا۔