گلگت بلتستان کے الیکشن شیڈول کا اعلان کر دیا گیا۔ الیکشن کمیشن گلگت بلتستان کی جانب سے جاری نوٹیفکیشن کے مطابق 24 ستمبر کو آر اوز کی جانب سے پبلک نوٹس جاری کیا جائے گا۔ انتخابی امیدوار 25 سے 30 ستمبر تک کاغذات نامزدگی جمع کرا سکیں گے، یکم اکتوبر کو امیدواروں کے نام شائع کیے جائیں گے۔ آر اوز کی جانب سے امیدواروں کی اسکروٹنی کی آخری تاریخ 7 اکتوبر ہوگی جبکہ ریٹرننگ آفیسز کے فیصلوں کیخلاف اپیلوں کی آخری تاریخ 11 اکتوبر ہوگی۔ اپیلیٹ ٹریبونل کی جانب سے اپیلوں پر عملدرآمد کی تاریخ 17 اکتوبر مقرر کی گئی ہے۔
18 اکتوبر کو نظرثانی شدہ امیدواروں کی لسٹ شائع کی جائے گی جبکہ امیدواروں کی جانب سے کاغذات نامزدگی 19 اکتوبر کو واپس لیے جا سکیں گے۔ 26 اکتوبر کو انتخابی نشان الاٹ ہوں گے جبکہ 15 نومبر کو پولنگ ہوگی۔
