کراچی:فرقہ وارانہ فساد کی سازش کرنے والا گروپ بے نقاب

لیاری گینگ وار سے تعلق ہے،پیسے لیکر علمائے کرام کو قتل کرتے تھے ،پولیس
کراچی(نیوزڈیسک) کراچی میں علمائے کرام کو قتل کرکے فرقہ وارانہ فساد کی سازش کرنے والا گروپ بے نقاب ہوگیاگروپ کے تانے بانے لیاری گینگ وارسے ملتے ہیں جسے دبئی میں بیٹھا زاہد عرف شوٹر کنٹرول کررہا تھاجو بھارتی خفیہ ایجنسی را اور دیگر غیر ملکی ایجنسیوں کے لیے کام کرتا ہے،ملزمان نے جمشید روڈ پر مولوی مفتی عبداللہ پرقاتلانہ حملہ کرایا تھا تاہم بدقسمتی سے ایک دہشت گردم مدثرجاوید کو مقامی افراد نے پکڑلیاتھا جس سے تفتیش کے نتیجے میں پولیس نے حملے میں ملوث 2 ملزمان حارث عرف فرحان عرف لنگڑا عرف گل پلازہ والا اوراس کے ساتھی ابوسفیان کو گرفتارکرکے ایک موٹر سائیکل ، دوپستول اور متعدد گولیاں برآمد کرلیں،ملزمان نے مفتی عبداللہ پرحملے کے لیے 3 لاکھ روپے لیے تھے،ڈی آئی جی سی ٹی ڈی نے مزید بتایا کہ ملزمان بھارتی خفیہ ایجنسی کے دیے ہوئے ٹارگٹ پر حملہ کرتے ہیں جس کے نتیجے میں شہرمیں فرقہ وارانہ فسادات اور بے چینی پیدا کی جا سکے