کاظمین میں زائرین پر دستی بم حملہ

یوم شہادت کے مراسم میں شرکت کیلئے جانیوالے زائرین پر دستی بم پھینکا گیا، دھماکے کے بعدبھگدڑ مچ گئی،ایک خاتون شہید، 8زائرین زخمی
صوبے الانبار میں امریکی فوجی اڈے پر 10 راکٹ داغے گئے،حشدالشعبی کی صلاح الدین میں بڑی کارروائی، سامرا کے جنوبی علاقوں میں آپریشن
 بغداد(نیوز ڈیسک) عراق میں امام موسی کاظم علیہ السلام کے زائرین پر بم حملے میں خاتون شہید اور 8زائرین زخمی ہوگئے، دار الحکومت بغداد کے نزدیک الکاظمیہ میں زائرین یوم شہادت کے مراسم میں شرکت کیلئے جارہے تھے کہ ان پر دستی بم پھینکا گیا، دھماکے کے بعدبھگدڑ مچ گئی ریسکیواہلکاروں نے زخمیوں اورشہید خاتون کی لاش کو اسپتال منتقل کیا،سیکیورٹی اہلکاروں نے دستی بم سے حملہ کرنے والے دہشت گرد کو گرفتار کرلیا،ادھر امریکی فورسز پر حملوں میں بھی تیزی آگئی ہے، بغداد میں چند گھنٹوں کے دوران امریکا کے 4 فوجی قافلوں کو نشانہ بنایاگیا، صوبے الانبار میں امریکی فوجی اڈے پر 10 راکٹ داغے گئے، دوسری جانب الحشدالشعبی نے صوبے صلاح الدین کے جنوبی علاقے پر داعش کے باقی بچے عناصر کے حملے کو پسپا کر دیا، عوامی رضاکار فورس نے سامرا کے جنوبی علاقوں میں داعش کے خلاف ایک بڑی کارروائی کا آغاز کردیا ہے، بڑی کارروائی کے دوران دہشت گردوں کا بھاری مقدار میں اسلحہ اور گولہ بارود ضبط کر لیا،نینوا اور صلاح الدین میں بھی ایک کارروائی کے دوران دہشت گردوں کے کئی ٹھکانوں کو تباہ اور 10 دہشت گرد عناصر کو ہلاک کر دیا گیا،العیثہ کے علاقے میں بھی دھماکہ خیز مواد سے لیس دو دہشت گرد ہلاک ہوئے ہیں۔