کابل: امریکی ڈرون حملے میں مارے گئے 9 افراد عام شہری نکلے

کابل: کابل میں امریکی ڈرون حملے میں مارے گئے افراد عام شہری نکلے جن میں 6 بچوں سمیت 9 افراد ہلاک ہوئے، گزشتہ روز کابل میں امریکی ڈرون حملے میں نشانہ بننے والی گاڑی میں سوار شخص کے بھائی نے دعویٰ کیا ہے کہ گاڑی میں سوار تمام افراد عام شہری تھے ، ہمارا داعش سے کوئی تعلق نہیں، یہ ہمارا گھر تھا جہاں میرا بھائی اپنے اہل خانہ کے ساتھ رہائش پذیر تھا، پڑوسیوں کا بھی کہنا ہے کہ حملے میں مارے گئے افراد عام شہری تھے جنہوں نے حملے کے بعد گاڑی میں آگ بجھانے کی کوشش بھی کی، دوسری جانب امریکی حکام کا کہنا ہے واقعہ کی تحقیقات جاری ہیں تاہم اگر کوئی عام شہری ماراگیا ہے تو ہمیں بے حد افسوس ہے۔