پیغام ِ وحدت

پیارے بچو!پیغمبر اسلام حضرت محمد مصطفی کی ذات رحمت اللعالمین ہے، آپ کا ذکر باعث رحمت ہے، آپ کی تعلیمات کو عام کرنا نہ صرف عقیدت و فرض شناسی ہے بلکہ آپ کا ہم پر یہ حق بھی ہے کہ آپ کے پیغام امن و انسانیت اور پیغام وحدت و اخوت کو عام کریں۔
بانی انقلاب اسلامی حضرت امام خمینی ؒ کے فرمان پر پیغمبر اکرم کی ولادت باسعادت کے ایام 12تا 17ربیع الاول پوری دنیا میں ہفتہ وحدت منایا جاتا ہے۔ اس مناسبت سے دنیا بھر میں تقریبات منعقد ہوتی ہیں۔ آج ہم دیکھ رہے ہیں کہ اسلامی امہ میں جس چیز کی سب سے زیادہ کمی ہے وہ اتحاد ووحدت ہے،دشمنان اسلام نے بھی وحدت کو نشانہ بنا رکھا ہے اور اسلام دشمن قوتیں مسلمانوں کے درمیان اختلافات کو ہوا دینے میں سرگرم ہیں۔ لہٰذا اس وقت جس چیز کی سب سے زیادہ ضرورت ہے وہ اتحاد ہی ہے، اس راہ میں کامیابی کے لئے سب سے پہلے ایک مرکز پر جمع ہونا ضروری ہے تاکہ وہاں سے کام کا آغاز کیا جائے۔ رہبر معظم انقلاب اسلامی سید علی خامنہ ای فرماتے ہیں کہ رسول اکرم کی پیروی آج کی اسلامی دنیا کے تمام مسائل کا حل ہے۔ یہ بہترین موقع ہے کہ ہم ذات پیغمبر اکرم کو اپنا مرکز بنائیں اور آپ کی سیرت پر عمل پیرا ہوں