پنجاب میں بھی عزاداروں کیخلاف مقدمات واپس، احتجاج موخر

علامہ احمد اقبال رضوی کی زیر قیادت اعلیٰ سطحی وفد کی وزیر قانون پنجاب راجہ بشارت سے ملاقات، عزاداری کو درپیش مسائل پر تفصیلی تبادلہ خیال
محرم اور چہلم پردرج مقدمات واپس لینے کا اعلان، احتجاج موخر، مطالبات پورے نہ ہوئے تو 4 جون کو انتہائی قدم اٹھانے پر مجبور ہوں گے، علامہ عبدالخالق اسدی
لاہور(نیوز ڈیسک) پنجاب حکومت نے محرم میں عزاداروں پر درج مقدمات واپس لینے کی یقین دہانی کرادی جس کے بعد مجلس وحدت مسلمین نے احتجاجی تحریک کو موخر کردیا، ایم ڈبیلو ایم کے مرکزی ڈپٹی سیکریٹری جنرل علامہ سید احمد اقبال رضوی کی زیر قیادت اعلیٰ سطح کے وفد نے وزیر قانون پنجاب راجہ بشارت سے ملاقات کی جس میں پنجاب میں عزاداری کو درپیش مسائل پرتفصیلی تبادلہ خیال کیا گیا، راجہ بشارت نے ملت جعفریہ کولاحق تمام تحفظات کودور کرنے کی یقین دہانی کرائی اوروفد کے مطالبے پر کورونا ایس او پیز کی خلاف ورزی کے نام پر محرم اور چہلم امام حسین علیہ السلام کے موقع پر درج ایف آئی آرز واپس لینے کا اعلان کیا،وزیر قانون نے یقین دہانی کرائی کہ عزاداروں کا نام بھی فورتھ شیڈول سے نکال دیا جائے گا، ملاقات کے بعد سیکریٹری جنرل مجلس وحدت مسلمین پنجاب علامہ عبدالخالق اسدی نے چنیوٹ اور لاہور میں دھرنے کی کال کو موخر کر دیا اور اعلان کیا کہ مطالبات پر عملدرآمد نہ کیا گیا تو 4 جون کو انتہائی قدم اٹھانے پر مجبور ہوں گے