مآرب میں پیشقدمی روکنے کیلئے سعودیہ کی نئی پیشکش

نئی پیشکش میں انسانی اور معاشی مسائل کے تعلق سے کچھ سہولیات کا تذکرہ
صنعا (نیوز ڈیسک) سعودی عرب نے مآرب کی مکمل آزادی کو روکنے اور اپنے اتحادیوں کو شکست سے بچانے کے لئے صنعا کو نئی تجویز پیش کردی، یمن کے امور میں امریکا اور اقوام متحدہ کے نمائندے کی ناکامی کے بعد سویڈن کے ایلچی نے مآرب میں جنگ بندی سے متعلق اسٹاک ہوم سمجھوتے جیسا نیا منصوبہ پیش کیا ہے،سعودی عرب کی جانب سے سویڈن کے ایلچی نے جنگ بندی سے متعلق نئی تجاویز صنعا پہنچائیں جس میں انسانی اور معاشی مسائل کے تعلق سے کچھ سہولیات دینے کی بات کی گئی ہے، مآرب کی جانب یمنی فوج کی پیشقدمی اور صوبہ ہاتھ سے نکلنے کے اندیشے نے سعودی اتحادیوں کی نیندیں اڑادیں ہیں ،اسوقت تین محاذوں پر شدید لڑائی جاری ہے،حالیہ جھڑپوں میں سو کے قریب افراد مارے جاچکے ہیں ، یمنی فوجی شہر مآرب کے شمال مغربی علاقے الکسارہ اور المشجع میں پیشقدمی کر رہی ہے