قرآن اورمسجد کی توہین برداشت نہیں کی جا سکتی، علامہ سبطین حیدر سبزواری

 ملک میں فرقہ واریت کی بجھی آگ کو دوبارہ بھڑکانے کی کوشش کی جارہی ہے
لاہور ( پ ر ) شیعہ علماءکونسل شمالی پنجاب کے صدر علامہ سید سبطین حیدر سبزواری نے موضع سنگورا ساہیوال سرگودھا میں مسجد شہید کرنے اور قرآن مجید کی بے حرمتی کے واقعہ کی شدید مذمت کرتے ہوئے مطالبہ کیا ہے کہ شرپسند مولوی کو فی الفور گرفتار کرکے کیفرکردار تک پہنچایا جائے۔ مسجد شعائراللہ میں سے ہے، اس کی توہین برداشت نہیں کی جا سکتی۔مسجد کو شہید اورقرآن مجید کی بے حرمتی کرنے والے عذاب الٰہی کا شکار تو ہوں گے ہی لیکن ہماراسوال ہے کہ حکومت،پولیس اور ریاستی ادارے کہاں سو رہے ہیں؟کیا ریاست مدینہ کی دعویدار حکومت کے اقتدار میںمسجدوں کو اب تالے لگا دئیے جائیں گے؟ قرآن مجید کی بے حرمتی کی جائے گی ؟ہم ایسا کبھی برداشت نہیں کریں گے،مسجد کو شہید کرنے والے اور قرآن مجید کی بے حرمتی کرنے والے مسلمان نہیں ہو سکتے، مسجد وں کو شہید کرنے اور قرآن کی بے حرمتی کرنے والے بھارت کے انتہا پسند ہندوو ¿ں کا ایجنڈا رکھتے ہیں۔ہم واضح کرتے ہیں کہ پاکستان کو مسلمان دشمن مودی کی ریاست نہیں بننے دیں گے ،کہ جہاں مسلمانوں کو ظلم و ستم کا سامنا کرنا پڑے گا