غزہ کی مظلومیت پر عرب حکام کے مگرمچھ کے آنسو

عرب حکومتوں نے مسئلہ فلسطین پر غداری کی ہے،سابق قطری وزیراعظم
دوحا(نیوز ڈیسک) قطر کے سابق وزیراعظم حمد بن جاسم نے کہا ہے کہ عرب حکومتوں نے مسئلہ فلسطین کے تعلق سے غداری کی ہے، اگر آج عرب حکام اسرائیلی حملوں کی مذمت کر رہے ہیں تو اس کا مقصد اپنے تخت وتاج کو محفوظ رکھنا ہے ، عرب حکام غزہ کی مظلومیت پر مگرمچھ کے آنسو بہا رہے ہیں انہوں نے کہا کہ جو لوگ فلسطین کی صورتحال پر آنسو بہا رہے ہیں اگر وہ اس کی وجہ معلوم کریں تو انہیں اندازہ ہوجائے گا کہ نیتن یاہو کی حکومت اس صورتحال کی بانی و باعث ہے قطر کے سابق وزیراعظم نے کہا کہ جو ممالک اسرائیل کے ساتھ تعلقات کی برقراری کے خواہاں ہیں انہیں چاہییے کہ یہ تعلقات کم ازکم عالمی قراردادوں کے مطابق ہوں۔