عمان کے ذریعے پیش کیا گیا امریکی منصوبہ نیانہیں ، انصاراللہ

مرحلہ وار فائر بندی سے قبل بندرگاہیں اور ہوائی اڈے دوبارہ کھولے جائیں
صنعا(نیوز ڈیسک) انصار اللہ کے ترجمان، محمد عبد السلام نے کہاہے کہ امریکا نے عمان کے ذریعے یمن کے بحران کے حل کے لئے جو منصوبہ پیش کیا ہے وہ پرانا منصوبہ ہے، یہ منصوبہ پہلے اقوام متحدہ نے بھی پیش کیا تھا، انصاراللہ کا مطالبہ ہے کہ فائر بندی کے مرحلہ وار منصوبے تک پہنچنے سے قبل بندرگاہیں اور ہوائی اڈے دوبارہ کھولے جائیں ، عمانی ثالث کے ذریعہ ، ہم بحران کے حل کے سلسلے میں اپنی پیشکش پر امریکی ردعمل کا انتظار کر رہے ہیں ، انصاراللہ کے عہدیدار نے فوجی کارروائیوں کو روکنے اور انسانیت سوز مظالم کو ختم کرنے کی ضرورت پر زور دیتے ہوئے کہا کہ سعودی عرب کے ساتھ رابطے جاری ہیں اور حالات کی تبدیلی کے پیش نظر ہمارا ردعمل بھی مختلف ہوگا۔