طلبا کی تربیت اساتذہ کا اہم ترین کارنامہ ہے، ولی امر مسلمین

نفع بخش علم نوجوانوں کو انہیں تشخص عطا کرتا ہے،یوم اساتذہ پر پیغام
تہران(نیوز ڈیسک) ولی امر مسلمین آیت اللہ سید علی خامنہ ای نے منصفانہ اور مثالی دینی معاشر ے کے قیام کیلئے اسلامی اور انقلابی اقدار کے مطابق بچوں اور نوجوانوں کی تربیت کو اساتذہ کا اہم ترین کارنامہ قرار دیا ہے ، استاد مرتضی مطہری کی شہادت کی مناسبت سے یوم اساتذہ پر اپنے پیغام میں ولی امر مسلمین نے کہاکہ ایران میں، منصفانہ اور مثالی دینی معاشرے کی تشکیل کے مقصد سے نظام اسلامی کا قیام عمل میں آیا ،اسلامی ملک میں بچے اور نوجوان یہ سیکھتے ہیں کہ وہ اپنی بالقوہ صلاحیت و توانائی میں کیسے نکھار لائیں تاکہ وہ انہیں اعلی قومی اقدار یعنی اسلامی و انقلابی اقدار کو فروغ دینے کے لئے بروئے کار لا سکیں ،انہوں نے کہاکہ نفع بخش علم، ایک جانب ایرانی نوجوانوں کو ملک و قوم کی ترقی و پیشرفت کے لئے ضروری وسائل سے آراستہ کرتا ہے اور دوسری جانب انہیں تشخص عطا کرتا ہے اور ان کے اندر روحانی و معنوی جوش و ولولے کی درخشندگی اور خود اعتمادی کا جذبہ پیدا کرتا ہے۔