طالبان وفد کے تہران میں ایرانی قیادت سے مذاکرات

دوطرفہ تعلقات اور خطے کی سیاسی اور سلامتی صورتحال پر تبادلہ خیال
کابل(نیوز ڈیسک) افغان طالبان کی سینئر قیادت نے تہران پہنچ کر ایرانی قیادت سے دوطرفہ تعلقات اور خطے کی موجودہ سیاسی اور سلامتی کی صورت حال پر تبادلہ خیال کیا، طالبان وفد نے افغانستان میں متحارب گروہوں کے درمیان امریکی سرپرستی میں ہونے والی امن بات چیت کے بارے میں تبادلہ خیال کیا،ایران کی وزارتِ خارجہ کے ترجمان سعید خطیب زادے کا کہنا ہے کہ طالبان کی ٹیم کو دو طرفہ ملاقات کے لیے باضابطہ طور پر ایران میں دعوت دی گئی تھی تا کہ افغان امن عمل کا جائزہ لیا جا سکے، طالبان کا دورہ ایران کی اس پالیسی کا حصہ ہے کہ وہ افغان امن عمل میں شامل اہم افغان فریقوں تک رسائی حاصل کرنا چاہتی ہے۔