Raza Musani 
سبی: بلوچستان کے ضلع سبی کے علاقے سنگن میں دہشت گردوں نے فرنٹیئر کور کی پیٹرولنگ پارٹی پر حملہ کر دیا۔ فائرنگ کے تبادلے میں ایف سی کے 5 جوان شہید ہو گئے۔
آئی ایس پی آر کے مطابق جوابی فائرنگ کے نتیجے میں دہشت گردوں کو بھاری نقصان پہنچا ہے، علاقے میں سرچ آپریشن جاری ہے، شہدا میں حوالدار ظفر علی خان، لانس نائیک ہدایت اللّٰہ، ناصر عباس، بشیر احمد اور سپاہی نور اللّٰہ شامل ہیں، شہید ظفر علی خان، ہدایت اللّٰہ اور نور اللّٰہ کا تعلق لکی مروت سے ہے، شہید ناصر عباس کا تعلق بھکر سے جبکہ شہید بشیر احمد کا تعلق نصیر آباد سے ہے، آئی ایس پی آر کے مطابق چند دشمن عناصر انٹیلی جنس ایجنسیوں کی مدد سے بزدلانہ کارروائیاں کر رہے ہیں، بلوچستان کا امن ایسے عناصر کے ہاتھوں سبوتاژ نہیں ہونے دیں گے۔
