زائرین کو واپس لانے کی درخواست ناقابل سماعت قرار

حکومت پر اعتماد کریں، متعلقہ فورم پر رجوع کریں،اسلام آباد ہائیکوٹ
اسلام آباد(نیوزڈیسک) چیف جسٹس اسلام آباد ہائی کورٹ جسٹس اطہر من اللہ نے ایران میں پھنسے زائرین کو پاکستان واپس لانیکی درخواست ناقابل سماعت قرار دے کر مسترد کردی، چیف جسٹس اطہر من اللہ نے مجلس وحدت مسلمین کے وائس چیئرمین سید ناصرعباس شیرازی کی جانب سے ایران میں پھنسے زائرین کو پاکستان واپس لانے کے لیے دائر درخواست کی سماعت کی، چیف جسٹس نے ریمارکس دیئے کہ حکومت پر اعتماد کریں، پارلیمنٹ اور ایگزیکٹو موجود ہیں، متعلقہ فورم پر رجوع کریں، یہ اخذ نہ کریں کہ حکومت کچھ نہیں کررہی،وکیل درخواست گزار نے عدالت کو بتایا کہ تاثر دیا جارہا ہے کہ سارے مسائل زائرین کی وجہ سے ہیں،چیف جسٹس اطہر من اللہ نے ریماکس دیئے کہ یہ بین الاقوامی سطح کا مسئلہ ہے، عدالت ان معاملات میں مداخلت نہیں کرسکتی، آپ متعلقہ فورم سے رجوع کریں، عدالت کسی بھی تنازع میں نہیں پڑے گی۔